مين
بدو يسرق صبيه ؟؟ مين بدو الماس صبيه اخري من دون مايدفع نص فرنك ؟؟ مين
بدو مصاري كتير تتحول ليه عن طريق صبيه اخر ؟؟؟ احدث اساليب السرقه خطوه
بخطوه
1-
الخطوه الاولي قولي للصبيه اعطيني باس وردك وراح اشحنلك الماس (( غلطانه
ميه بالميه لانو الالماس بينشحن من دون العضويه وله الباس ورد وكتير صبايا
بيقعو في نفس الغلطه بالرغم من تحذير الاداره
2-
الخطوه الثانيه قولي للصبيه عندي مصاري كتير وانا مسافره وراح اتزوج مو
محتاجه صبيتي بدك ياه ؟؟ اعطيني باس ورد احولك المال (( غلط لانو لو مابدها
صبيتها وما بدها مالها راح تعطكي انتي اسم العضويه والباس ورد وانتي حولي
علي راحتك واصلا مابعتقد في بنت بتفرط في صبيتها
3-الخطوه
الثالثه انا معجبه بصبيتك شكلها روعه حبيت ستايلك ممكن باس وردك بس اشوف
الفساتين ووعد راح اشوف وبطلع علي طول (( طبعا جنون لانو لو بدها تشوف
ملابسك بتشوفها عن طريق المعرض مو جوه الخزانه + طبعا هيدا الطلب انطلب مني
ميه مره
4-
الخطوه الرابعه من اول نظره حبيتك وانا اصلا غنيه عندي الماس كتير اعطيني
باس وردك اشحنلك 10000 الماسه (( ياجماعه مهما كانت غنيه مافي حدا بيشحن
لحدا بهيدا المبلغ
5-
الخطوه الخامسه الحقي ربحت بالطرق البدليه 500 الماسه الحقي العرض بيخلص
بعد ساعتين وخدي الطريقه طبعا طريقه وهميه بس الطريقه صعبه ماراح تعرفي
تعملي خطواتها هاتي اسم العضويه انا بعملك اياها علي السريع (( كل الطرق
البدليه لشراء الالماس تم شرحها في موضوع خاص واصلا مابتكون متوافره بكل
الدول يعني جربي انتي بنفسك زبط اوكي مازبط خلص خيرها بغيرها ))
6-
الخطوه السادسه يالله ليه ماعملت الانجازات ؟؟؟ انا خلصت الانجازات بس
بصبيه اختي هاتي الباس ورد والعضويه واخلصلك الانجازات بسرعه عشان تاخدي
نقاط ومال(( عندك الوقت طويل لحتي تخلصي الانجازات علي شو الاستعجال انتي
اعملي انجازاتك بنفسك لانو مافي حدا فاضي يعمل شي لحدا))
7-
الخطوه السابعه انا مشرفه هاتي العضويه والباس ورد لانك ربحتي معنا الماس
وراح اشحنه ليكي الان (( عمر مافي مشرفه راح تطلب الماس لانو الالماس
بينشحن لحالو في حال ربحتي في اي مسابقه ))
رجاء
من الصبايا يا خدو حذرهم اانا كتبت الموضوع لانو صبيه منويلا انسرقت والله
عملت مجهود جبار لحتي رجعت لها صبيتها وبدي قول للصبايا يلي بيسرقو اتقو
الله يعني تحلفي بربك كذب ؟؟؟ عشان لعبه تفوتي حالك النار عشان الماس ؟ تخلي البنت تموت مقهوره وانتي مبسوطه ؟؟؟ لا والمصيبه انو الحراميه طلعت صديقتنا والله احساس فظيع
تحذير للكل عمرك ابدا وابد ماتعطي اسم العضويه
ولا الباس ورد لاي شخص كان لانو راح تندمو في النهايه
------
منقول للفائده