حل وحوازير مضحكة (تنسيك هموم الدنيا وما فيها)

تعالوا نضحك شوية و ننسى هم الدنيا مع شوية فوازير جامدة
و لكن نصيحة منى أصحاب القلوب الضعيفة لا يكملوا الموضوع



ليه الفراعنة كانوعيال؟
عشان كانو بيكتبو ع الحيطة


ليه القطر بيقف عالمحطة؟
عشان مش بيعرف يقعد أكيد يعنى


الفراعنة كانو بيقولو ايه لبعض بعدالصلاة؟
هرماً


ليه المترو مهم؟
علشان تحتيه خطين


ايه قمةالهدوء؟
انك تسمع شريط فاضي


ايه قمة الهبل؟
انك تقلب الشريط


ايه قمة الغتاتة؟
انك تعيد مقطع عجبك


ليه القطر بيقف قدام الصيدلية؟
عشان يعاكس القطرة


ليه النمر بيجري ورا العربية؟
عشان يشوف النمرة


خمسة فروق بين البطة والوزة ؟
1- تقدر تحلق شعرك زلبطة لكن ماتقدرش تحلقة زلوزة
2- فية رحالة اسمة ابن بطوطة لكن مافيش رحالة اسمة ابن وزوزة
3- تقدر تبلبط في البحر لكن ماتقدرش تبلوز فية
4- كلنا بنتغطى في الشتاء ببطانية لكن مابنتغطاش بوزانية
5- الوزة كانت زمان بطة لكن الشيطان وزها


عايزين ندخل فيل جوة الكباية نعمل ايه؟
نحط ورقة علي الكباية وبعدين نحط الفيل علي الورقة وبعدين نيجي بشويش ونشد الورقة بسرعة الفيل يقع جوة الكباية


واحد كل ما يشوف البرق يضحك ليه ؟
عشان يطلع حلو فى الصورة


واحد غبي جدا واقف قدامه خمس شياطين ليه ....؟؟؟
واحد يوسوسله و اربعه يفهموه


مره نكته ماشية بتعيط ليه؟؟
عشان واحد ضحك عليها


لية بلديتنا بيلبس تي شيرت علية قطة ؟
عشان الفار ميلعبش في عبه


جماعه مساطيل عملوا اتوبيس بيمشي بالعرض لييييه؟
عشان كلهم يركبوا قدام


ايه الشبه بين الجرنال والشمس ؟؟
الاتنين بيطلعوا الصبح


لية الناملة بتاخد المنديل معاها عندما تغنى؟
عشان تغنى لام كلثوم


ليه اليابان معندهاش حنان ؟؟
عشان هي في قاره آسيا



حاجه بتجري وعندها راسين و 8 ارجل؟؟
كلبين بيجروا جنب بعض


ليه القرد سريع ؟؟
عشان القرد في عين امه غزال


ليه الصعيدي بيحط جنبه منبهين ؟؟
عشان واحد يضرب والتاني يحوش


ليه الكلب بيهوهو ؟؟
عشان القطه بتنونو


حاجه ليها بيضة وطايره في الهوا و بتنونو؟؟
قطه مضروبه بالشلوت


حاجة سودة و طايرة فى الهوا و بتنونو؟
غراب بيستهبل


حاجة سودة و طايرة فى الهوا ز مش بتنونو؟
غراب عاقل ما بيحبش الاستهبال


ليه النمل مش بترضي تركب الفيل قدامها عالعجله؟؟
عشان بيلعب في الجرس


فرخه معلقه سلسله فيها صوره بيضه ليه ؟؟
صورتها و هي صغيره


فرخه معلقه سلسله وفيها صوره بيض اومليت ليه ؟؟
صوره اخوها الشهيد


واحد ماشي في الشارع و لابس كوتشي ابيض ليه ؟؟
عشان ماشي مع الطقم


لية الهرم حطين فية حديدة من فوفق؟
علشان يشلوة منها ويمسحوا من تحتو


واحد صينى طلع على القمر اللى حيحصل للصينين؟؟
حينقصوا واحد


ايه الفرق بين الشامبو بيرت بلس و الزمالك؟
الشامبو بيرت بلس 2 فى 1 لكن الزمالك 2 فى عبد الواحد


ليه الاهرامات على طول فريش؟
عشان قدامها ابو الهولز


ليه الصعيدى بيرفع ايده وهو طالع الكوبرى؟
عشان الحديد مسلح

ايه الحاجتين اللى ماينفعش ناكلهم وقت الفطار؟
اكيد وجبة الغدا ووجبة العشا ده ايه الذكاوة دى


ياترى ليه الكتكوت بيقعد فى الشمس ؟
عشان مش مشترك فى الاهلى


ليه الصيدلى بيبنى عمارة ؟
عشان يسكن الالم


طب ليه الحكومة هدوها؟
عشان بنادول اكسترا


ليه الصعيدى بياخد الدوا قبل معاده؟
عشان يفاجىء الجراثيم


ايه الفرق بين العيد والحمام؟
العيد ليه وقفة والحمام ليه قعدة


مين اكتر واحد صبور فى العالم؟
واحد مستنى هيفاء وهبى على قناة اقرأ


ليه التلاجة غبية؟
عشان بتحفظ الاكل ومابتفهموش


ليه بنشرب الشاى؟
أكيد أكيد علشان مش بنعرف ناكله


اتنين خبطوا فى بعض ياترى مين اللى مات؟
اكيد بعض اللى مات


ليه الصعيدى لما بيروح الاستاد بيبص فوق؟
عشان بيدور على كلمة مباشر


ليه الفيل لابس شراب احمر؟
عشان احمر لابس شرابه


ليه الكتكوت اصفر وصغير ؟
عشان لو كان كبير ورمادى كان بقى فيل


نعرف منين ان الصراصير فى الشقة؟
اكيد هنلائيهم قالعين الشباشب برة


ليه الصعيدى لما بيخش الحمام مابيقفلش الباب وراه؟
عشان مراته ماتبصش من خرم الباب


ليه السمك بيخاف من فودافون؟
علشان اكبر شبكة فى مصر


أربع أفيال عايزين نركبهم عربية فولكس؟
نحط اتنين قدام و اتنين ورا


طب عايزين نركب 8 أفيال فى عربية مرسيدس؟
نبيع المرسيدس و نشترى عربيتين فولكس


ليه الصعيدى بيتصور جنب الاهرامات ؟
عشان يطلع فى الشلن



مين اكتر حيوان غنى فى الدنيا ؟

البرص

طب ليه؟
عشان متجوز البورصة



مين اكتر حيوان بيسيح فى الشمس؟
التمساح ساح ساح ساح ساح



مين اكتر حيوان مابيعرفش يستخبى؟

التعبان بان بان بان بان



ازاى نحط فيلين فى كباية من غير مايلمسوا بعض ؟
نحط بينهم فيل تالت
طب ازاى نركب 4 فيلة على عجلة واحدة؟
فيل يركب العجلة ويمسك الكباية



لو واحد نزل البحر الاحمر بمايوه ازرق ايه اللى يحصل فيه؟
اكيد هيطلع مبلول



ايه هى قمة الأدب ؟
الهمزة


ايه هى بداية الانحراف؟
الالف واللام



ليه مصر مش محتاجة بطاطين ؟
عشان اتصالات غطت مصر كلها



ليه بتوع موبينيل هيخشوا الجنة؟
عشان احسن ناس



ايه الفرق بين المرسيدس والتعويرة؟
المرسيدس المانى والتعويرة المانى اوى



ليه الفيل بيزل البحر الاسود والاسد لا؟
عشان البحر فيه دارفيل ومافهوش دار اسد



عكس نجيب محفوظ؟
نودى محفوظ



عكس طارق علام؟
طارق تحت اللام


ليه الكمبيوتر كافر ؟
عشان مافهوش الازرار واحد بس اللى تاب


ليه بطلوا ينتجوا لبان كوكو واوا؟
عشان كوكو خف خلاص وبقى كويس



ليه عماد متعب مابيكدبش ؟
عشان مهاجم صريح



ليه الصعيدى بيحط جنبه كباية الشاى وهو نايم؟
عشان الشاى منبه


طب ليه بيحط جنبه قهوة؟
عشان لو الشاى مارنش


طب ليه بيحط جنبه كباية مليانة مية وكباية فاضية؟
عشان لو حب يشرب او مايشربش


لو حلاق قالولوا يعمل فيلم كرتون هيسميه ايه؟
سوالف الننجا


ايه الشبه بين التفاح و الكمترى؟
الاتنين مش جوافة


ازاى نسحب السجادة من تحت الفيل من غير ما يحس؟
نستنى لما يمشى


ايه هى الحاجة اللى بنام عليها و بنقعد عليها و بنغسل سننا بيها؟
السرير و الكرسى و فرشة السنان


حاجة ليها راسين و 8 رجول؟
كلبين بيجروا جنب بعض


ايه الحاجة اللى بنعملها قبل ما نخرج من البيت؟
أكيد ان احنا بنكون جوة البيت


ايه اللى هايحصل لما البيضة تقع فى البحر؟
أكيد هاتتبل


حاجة خضرة من برة و حمرة من جوة و فيها نقط سودة من جوة و بتبدأ بحرف النون؟
نص بطيخة



حاجة بتطفوا على سطح المية و بتبدا بحرف ال ح؟
حتة خشبة






حاجة بتطفو على سطح المية و بتبدأ بحرف ال ه؟
هى هى حتة الخشبة


بيضة وقعت من الطيارة و ما اتكسرتش ليه؟
أكيد ربنا سترأفتكروا انى قلت ان أصحاب القلوب الضعيفة لا يكملوا الموضوع

والاسألة يلي عايزاكم تجاوبوها :

لو عايزين نسحب السجادة من تحت فيل نعمل ايه؟


حاجة بتطفو على سطح المية و بتبدأ بحرف ال ن؟